Бодол ба зүүд

Бодолдоо дарагдан алхана

Зүүдэндээ мөрөөдөн ниснэ...

Бодол дотроо би амьдарсаар л

Зүүдэндээ би бүтээж туурвисаар л...

Бодол гунигтай, инээдэмтэй бас ичмээр

Зүүд зугаатай, адал явдалтай бас аймаар...

Бодол зүүд хоёр нэг мэт

Зүүд бодол хоёр шал ондоо мэт...

Хэн бол...?

Цэцэн цэлмэг

Цэмцгэр цэвэрч

Урамтай ухаантай

Эрхэмсэг энэрэнгүй

Зөвд дуртай

Зөөлөнд ээлтэй

Тусч сэтгэлтэй

Тулх сайтай

Мэдлэгт гүнзгий

Мэргэжилд чадвартай

Энгийн мөртлөө эгэлгүй

Дэндүү атлаа даруухан нэгэн...

Бороотой намар

Бороотой намрын тэр өдөр

Борхон зүрх минь догдлоостой

Борооны дусал хацар зөөлөн даган урсаж

Бодол санааг минь тайтгаруулна...

Ёстой...

Эзэн Чингисийн үр хойч бид

Энэ дэлхийд бусдаас дор амьдрах ёсгүй

Эрэлхэг эцэг өвгөдийн баатарлаг үйлсийг

Эгнэгт цаашид мандуулах ёстой...

Үзэсгэлэнт Өэлүн Үжингийн үр сад бид

Үлэмж энэ орчлонд үгээгүй ядуу байх ёсгүй

Үлгэр домгийн адил бахдам түүхийг

Үүрд мөнхөд уламжлан үргэлжлүүлэх ёстой... 

Допинг

Хайр хүрч, сэтгэл сэргээх

Халуун зүрхний минь допинг...

Намуухан...

Туул тун чиг намуухан урсана

Урсгал нь яг л уянгын дуу шиг эгшиглэнэ

Эрэг хөвөөгөөр нь хос ангир ханьсан хөвнө

Хүний хүү хорвоог умартан бодолдоо жаргана...

 
Минийх бас хүнийх..

Шүлэг нь хүнийх ч

Сэтгэл нь минийх

Үг нь хүнийх ч

Сэтгэл нь үзэсгэлэнт чинийх

Сүлжээ нь мобиком ч

Санаа нь сайхан чинийх

Барьдаг утас нь барууных ч

Бодол нь булбарай чинийх..

Чаддагсан бол

... Чаддагсан бол яг одоо чамдаа очмоор

Чангахан тэвэрч үнсээд зөндөө их санаснаа хэлмээр байна...