Алтан дэлхийтэй анхлан танилцсан 

Аргагүй сайхан төрсөн аниа минь

Алдрайхан дүү наддаа 

Алхаж сурахад минь дэм өгсөн ачтай аниа минь

Хол ойр унан тусан алхах намайг хараад

Хоол унд дөхүүлэн хамтдаа тоглож өссөн

Үе чацуутан аниа минь

Өлгийтэй би өнгөт энэ орчлонд өрвийж байхад

Өөдөсхөн биетэй аниа минь

Өнгө өнгийн харандаагаар эрээчиж явлаа

Учраа мэдэхгүй уйлж чарлахад минь

Урамтай сайхан дуулж саатуулдаг байлаа аниа минь

Аниагаа би алд дэлэм хүндэлье...

Алтан дэлхийд би хайрлаж явья...

Ач тусыг нь би хариулж туслая...

Аниа минь аз жаргал, баяр хөөрөөр бялхаж яваарай...

Улаанбаатар марафон

Улсын минь нийслэлээр нэрлэгдсэн марафон

Улс улсын шилдгүүдийн уралдаант марафон

Монголын минь нийслэлд  уламжлагддаг марафон

Мянга мянган гүйгчдийн магнайг тэнийлгэсэн марафон

Миний анхны гүйлтийн марафон

Мяндаст хүлгийн хурдыг сорьсон марафон

Энэ бол тэвчээр шалгасан марафон

Энэ бол тэмцэл шаардсан амьдралын марафон

Монголын сод билэгт яруу найрагч

Миний шүтэж, дурлаж явдаг шүлгүүд

Мэргэн оюун ухаан, хурц дайчин үгс

Мөнхөд дуурсагдах билэг танхай авьяас

Би сөгднөм...

Би шүтнэм...

 

Тэнгэрийн нулимс

Тэнгэрийн нулимс тэнгис далайг тэтгэнэ

Тэнгэрийн нулимс тив дэлхийг ундаална

Тэнгэрийн нулимс тэрслүү галыг дарна

Тэнгэрийн нулимс тэнүүн сэтгэлийг ариусгана...

Андуурал

Бороо гэсэн чинь цас байлаа

Цас байлаа гэтэл мөс байв

Мөс байх гэсэн чинь бороо байсан байна

Бороо, цас бас мөс гурав

Бодит байдлаараа хэлбэр өөр ч

Бодлын эцэст нэг л чанар мэт...

Бороо, цас бас мөс

Бузгай их бороо орлоо доо та минь

Булт олон минь шүхрээ аваарай даа...

Цаг үргэлжлээд цас болон хувирлаа шүү та минь

Цамц юугаа давхарлаарай даа...

Маргааш өглөө нь мөс тогтож хөлдлөө дөө та минь

Машин тэрэг, хүн амьтан замаар болгоомжтой яваарай даа...

Элэгдэж хуучирсан зургийн цомгоо

Эргүүлж байтал энэ хар цагаан дүрсийг оллоо

Дурсамж сэргээсэн гэр бүлийн зураг

Дуутай шуутай 70-аад оны зураг

Оочер дугаар

Оочерлож од болно

Оочер дайрч олонд ад үзэгдэнэ

Оочер хаяж олонд буян үйлдэнэ

Оочер хүлээж амьтан болно...

Нарт ертөнцөд нар дахин мандлаа

Нарлаг Монголд минь өглөө ирлээ

Намайг таних бас танихгүй бүх хүнд

Найрсаг өглөөний мэндийг дамжуулан хүргэе !

Энэ зун би Дундговь аймагт албан ажлаар хэд хоног ажилласан юм. Мандалговьд байхад надад энэ автобус их инээдтэй бас этгээд харагдаад... 

Энэ унаа этгээд өнгөтэй юм

Эрээн тахь шиг мөртлөө 

Эргэлдэх дөрвөн дугуйтай юм

Нүүрэн талын шил нь нэг л өөр

Нүдээ таглуулсан дүрсгүй банди шиг санагдаад байх юм

Даанч олон жил албандаа зүтгээд

Даруухан десантын цэрэг гавьяандаа гарчээ...   

Шалгалтын бодол

Шалгалт өгөхөд шаггүй шүү...

Шамдан бэлдэхийг шаардана шүү

Шахалт дарамт ихдэнэ шүү

Шаардлагагүй олон асуулт толгойд эргэлдэнэ шүү

Асуулт болгон л адилхан харагдана шүү...

Анхаарч унших хэрэг гарна шүү

Алдаа мадаг амархан хийнэ шүү

Ангийн найзаасаа будаа идэх болно шүү

Өөрийгөө шүүмжлэх харамсал нь олшроно шүү

Өрөөлд атаархах бодол нь ихсэнэ шүү

Өнөөдрөөс эхлэн хичээх хүсэл нь оргилно шүү

Өгөөд гарсны хойно өнөөх бодлууд нь мартагдана шүү...

ТЭГШ ДҮҮРЭН ЖАРГАЛ

АЛИВАА СЭТГЭЛ НЬ ТЭГШ ДҮҮРЭН 

АГЛАГ ҮРС НЬ ЖАРГАЛ ДҮҮРЭН

САНАСАН ҮЙЛС НЬ ТЭГШ ДҮҮРЭН

САДАН ТӨРӨЛ НЬ ЖАРГАЛ ДҮҮРЭН

АМЖИЛТ ЯЛАЛТ НЬ ТЭГШ ДҮҮРЭН

АНД НӨХӨД НЬ ЖАРГАЛ ДҮҮРЭН

ТЭТГЭХ ХҮСЭЛ НЬ ТЭГШ ДҮҮРЭН

ТҮМЭН ОЛОН НЬ ЖАРГАЛ ДҮҮРЭН

АМРАГ СЭТГЭЛ НЬ ТЭГШ ДҮҮРЭН

АЛИВАА БҮХЭН НЬ ЖАРГАЛ ДҮҮРЭН

ТЭГШ ДҮҮРЭН ЖАРГАЛЫГ 
ТЭНҮҮН ЗОН ОЛОНДОО БИ ХҮСНЭМ...

Барса

Аваргуудын аварга Барса

Алтан дэлхийд алдартай Барса

Баялаг түүхтэй Барса

Бахдам амжилттай Барса

Бяр чадвар нь тэгширсэн Барса

Бялхам уухайн түрлэгтэй Барса

Камп Ноу цэнгэлдэхдээ дүүрэн Барса

Каталоны нэр төрийг мандуулсан Барса

El Classico

Шүглийн дуу тасхийж

Ширүүн тоглолт эхэллээ...

Шимтэн үзэх үнэнч фэнүүдийн

Сэтгэл доглол, уухайн түрлэг

Шиврээ бороог үл ажран

Цэнгэлдэх халин цуурайтна

El Classico

Энэ дэлхийг эзэгнэсэн 

Эрчтэй хоёр багийн тулаан

El Classico

Эх дэлхийг донсолгосон

Эрчүүдийн тулаан

El Classico

Энэхэн биений цөсийг хөөргөсөн

Эгнэгт дуурсагдах онцгой тулаан

Now it is fall

BY EDITH SÖDERGRAN

when all the golden birds

fly home across the blue deep water;

On shore I sit rapt in its scattering

                                                       glitter;

departure rustles through the trees.

This farewell is vast and separation draws close,

but reunion, that also is certain.

My head on my arm I fall asleep easily.

On my eyes a mother’s breath,

from her mouth to my heart:

sleep, child, and dream now the sun is gone.—

Үл үзэгдэх оюун санаа

Учиг үл тайлагдах чинадын орон зай

Хэрэн тэнүүчлэх бодлын салхи

Хэврэг эмзэг хүмүүний зүрх сэтгэл...

Үр  минь

зулзага минь

үндэс минь

Мөчир минь

Навч минь

Цэцэг минь

Оносон ч алдсан ч

Уйлсан ч унасан ч

Учирласан ч уурласан ч

Чи миний үр зулзага

Чи миний үргэлжлэл..

Номонд дурлагч

Номонд дурлаж

Номоор амьсгалж

Номтой нөхөрлөж

Номоор заалгаж

Номыг хайрлаж

Номоор хооллож

Номыг дээдлэж

Ном солилцож

Номоор өвчилж

Номоор эдгээж

Номоор зугаацаж

Номтой хамт амьдарсаар...

Тэр номон дотор оршсоор

Ном түүнийг дотроо багтаасаар

Тэр номонд донтжээ

Номгүй бол тэр үхнэ...

Навчис

Навчис хаа нэгтээ унаж

Намрын салхинд туугдан

Хаа сайгүй тэнүүчлэхдээ

Алган дээр чинь зөөлөн буухыг хүсэх мэт

Алдрайхан чамайг тойрон эргэлдэнэ...

Өдрөөс өдөрт өртөөлөн холдож буй 

Нарны илч дулааныг 

Өчүүхэн ч хором алдалгүй 

Биедээ шингээх юмсан...

Өвлийн хүйтэн жавар урт шөнөөс урьтан

Нарны гэрэл гэгээг

Өнгөт энэ орчлон дээр 

Өдөр алгасалгүй тусгах юмсан...

Тодорхой 

Амьдрал минь аз жаргалаар гэрэлтэх нь тодорхой

 Ажил үйлс минь амжилт бүтээлээр бялхах нь тодорхой

Эрдэм ном минь эгнэгт дэлгэрэх нь тодорхой

Энэхэн бие минь эрүүл жаргах нь тодорхой

Халуун сэтгэл минь хөрөхгүй нь тодорхой

Хайрын үгс минь татрахгүй нь тодорхой

Үр жимс минь үндэслэх нь тодорхой

Үр хойч минь үржих ньтодорхой 

Буянт мал сүрэг минь өсөх нь тодорхой

Будаа тариа минь олшрох нь тодорхой

Цайлган түмэн минь цэнгэн жаргах нь тодорхой

Цэцэн цэлмэг үгс минь цаг наргүй урсах нь тодорхой...

Намарт би дуртай

Намар надад дуртай болохоор

Найраг дуу надаас холдох дургүй

Намрын модод навчсын өнгө болгоноор

Нандин үгсээ найраглан сийрүүлэх дуртай

Насны тоогоор намартай уулздаг ч

Намар намрын сайхныг би хэзээ ч мартахгүй...

Анхаар...

Даяаршиж болно

Уусаж болохгүй

Дайлж болно

Даварч болохгүй
Найзлаж болно
Найр тавин өгч болохгүй

Оруулж болно

Орлуулж болохгүй
Туслаж болно
Туйлширч болохгүй

Хүндлэж болно

Хүндээ алдаж болохгүй

Магтаж болно

Манайх болгохгүй...

Монгол баян

Хэлтэй бол соёлтой,

Хилтэй бол нутаг устай,

Малтай бол гэдэс цатгалан, мөр бүтэн

Хүн чанартай хүмүүн элбэг бол жаргал дүүрэн

Хүн, хэл, хил, малтайгаа цуг

Хаана баян 

Дэлхийд баян...

Адуутай Монгол

Айрагтай Монгол

Ардын дуутай Монгол

Авьяас бялхам Монгол

Бардам Монгол

Бахархам түүхтэй Монгол

Бяртай Монгол

Билэг танхай Монгол...

Жирийн танил

Жирийн танил жижиг л юм байна

Жигтэйхэн их сүйд болохгүй л юм байна

Жил сар өдөр бүр таарсан ч жирийн л байдаг юм байна

Жин дарж жавар үргээхгүй л юм байна

Жижигхэн зүрх нь жаахан ч гэсэн догдлохгүй л юм байна

Гэхдээ жирийн мөртлөө жигтэй танилууд бас байх юмаа зөндөө... 

Хэл хил мал гуравтайгаа байвал 
Хэн баян Монгол баян 
Хэл хил мал гурваасаа салбал 
Хэн эмгэнэлтэй Монгол эмгэнэлтэй...

Таны билэг ухаанд сөгдөн мөргөмүй !

Саруул ухаанаас илүү сайн нөхөр байдаггүй.

Үгэнд ижилдвэл цэцэн болох

Илдэнд ижилдвэл баатар болох.

Их Эзэн Богд Чингис хаан 

Мөн үү? гэдэг асуулт мөртлөө шалгалт давхцсан алдарт үгээрээ

Мунхаг намайг бишрүүлсэн нэгэн...

Монгол Ангол хоёр төстэй дуудагдах ч 

Арьс нүүр төрх нь алд дэлмийн зөрүүтэй хүмүүн болой...

Арьс нүүр төрх нь алд байтугай дэлмийн зөрүүтэй ч

Атгахан зүрхний өнгө нь ав адил хэмээв...

Атгахан зүрхний өнгө нь ав адил ч

Ам хэл амьдралын өнгө нь арай л ондоо болой

Бие хаа бусдын адил ч

Бичиг үсэг нь биднээс өөр ажгуу...

Гэртээ байхад гэр дүүрэх мэт
Гадаа алхахад түшиг тулгуур мэт 
Ажилтай байхдаа эрдэм чадал төгс мэт
Харин амьдрал дээрээ чи минь  
аз жаргалаар дүүрэн байхыг би хүсдэг...

Нэг удаа би нэлээн хол явж билээ...

Нэг удаа би нэлээн хол явж билээ

нэрийг нь сайн мэдэхгүй нэгэн газар очиж билээ

Яралзсан цагаан шүд

Ялигүй нүүрс шиг бараан дүр

Яг л багын үзсэн киноны үйл явдал мэт...

Ганцаараа би тэд нарт содон

Ганцхан надад тэд нар сонин

Чайна чайниз хэмээн дуудахад нь

Чангаар би харин Монголиан монгол гэж хариулсаар...

Аан Анголиан гэж андуу сонсох нь 

Арай ч дээ гэж надад инээд уур хүргэх нь холгүй

Цоглог гэгчийн алхах Монгол би

Цээж бардам гудамжаар алхална...

Мөн үү...?

Нар сар байвал энэ дэлхий гэрэлтэй... 

Мөн үү?

Навч цэцэгс байвал ургамал мод өнгөтэй...

Мөн үү?

Итгэл зориг байвал бид бэрхшээлийг даван туулна...

Мөн үү?

Сэтгэл зүрх байвал бид бүхнийг хийж бүтээнэ...

Мөн үү?

Алтан нар тэнгэрт мандлаа

Амьдралын нэг өдөр шинээр мэндэллээ

Ажил үйлс, амжилт бүтээлийн шинэ уухай

Аглаг дэлхийд цуурайтан бүхнийг сэрээлээ...

Андыгаа дурсахуй...

Анх их сургуулийн босго алхахад 

Анд минь чи анхлан танилцаж найзууд болцгоосон...

Амьдралын их сургуулийн хаалгаар ороход 

Анд минь чи эхлэн гар барилцаж дотно нөхөрлөсөн...

Тэртээ хол одсон ч

Тэнгэрт од болон харвасан ч 

Сэлэнгэ нутгийн сэргэлэн шар

Сэтгэл зүрхэнд минь мөнхийн залуу дүр төрхөөрөө мөнхрөн үлдэж дээ... 

Би байна...

Би алхаж байна

би амьсгалж байна

Би инээж байна

би баярлаж байна

Би уншиж байна

би унтаж байна

Би гүйж байна

би тоглож байна

Би гомдож байна

би уйлж байна

Би урамшиж бана

би нисэж байна

Би унаж байна

би цангаж байна

Би уучлаж байна

би учирлаж байна

Би дурсаж байна

би дуулж байна

Би шүлэглэж байна

Би байна гэдгээ мэдэж байна...

Өөртөө шивнэхүй...

Гадаа тэр үед цастай, тэсгим хүйтэн өвөл байсан

Гар барин уулзахад дулаахан орой байсан

Хальт өмнө нь харсан тэр охинтойгоо

Харц тулгаран танилцсан тэр үдэш.

Энэ бол 12 сарын тэр нэгэн үдэш

Энэ бол баярын тэр нэгэн үдэшлэг

Энэ бол амьдралын минь мартагдашгүй орой...

Газрын хамгийн хурдан хүлгийн уралдаан F1 шиг

 /машины уралдаан... ккк/

Галзуу хурдаар давхисан нисгэгч би

Гараанаас гарахдаа хүлгийнхээ моторыг

 /зүрхээ хэлж байгаа нь...ккк/

Газрын бартаа холыг туулах бензинээр дүүргэсэн эсэхээ

Ганц сайн шалгасан эсэхээ бүүр түүрхэн санах юм.

Үлгэр хүүрнэх цагаар

Үнэхээр их баярладаг багачууд шиг

Үйл явдал ид шидийн яриаг

Үг дуугүй шимтэн сонсох

Үе тэнгийн хүүхдүүд шиг

Цахим ертөнцөд

Цаг хугацаанд үл баригдан

Цаасан биш цахилгаан захидлуудыг

Цааш нааш бие биедээ шидэлцэн

Цэвэрхэн самбар дээр нэгэн хайрын түүхийг

Цав цагаан шохойгоор дурайлган бичвээ...

Даруйхан хэдэн сарын нүүрийг үзээд

Дандаа шидэлцэх цахилгаан захидалд

Дахиад нэг юм дутаад байгаа мэт санагдаж

Давраад бүр дугаарыг нь асуугаад үзэх үү хэмээн бодлоо...

Зүрхэнд үл мэдэг уянгалах тэрхүү дуу хоолойг

Зүүн баруун дэлдэнгээрээ зүгээр л сайн сонсох гэж

Зөв буруугүй дугаарыг чинь нэхэх

Зөрүүд бодол толгойг минь зовооно.

Захидлаар дамжин сэтгэлд минь хүрдэг

Зүрхний үгс чинь хэр сонсогдох бол гэхээс

Зөөлөн чихэндээ хоногшуулан хадгалахыг

Зөндөө их хүссэн би...

Зөөврийн гар утасны чинь

Зөөлхөн зөөлхөн эгшиглэх тэр дуу

Зүгээр л намайг догдлуулан баясгаж

Зүрхний цохилтыг минь хэдэн зуугаар нь хурдлуулваа...

Болзсон өдрөө тэр минь ирсэнгүй

Ярьсан өдрөө тэр минь байсангүй

Уулзах өдрөө тэр минь харагдсангүй

Утсаар ярьж инээмсэглэдэг тэр минь чимээгүй...

Гэнэт надад совин татах шиг болж

Гэгээн бодлуудыг минь таслах мэт харван орж ирлээ

Гэнэн тэр минь гэндээгүй байгаа даа

Өрөвчхөн тэр минь өвдөөгүй байгаа даа

Уяхан тэр минь уйлаагүй байгаа даа

Ухаантай тэр минь санаашраагүй байгаа даа гэж...

Чамайгаа ярьсан өдөр бүрт

Чамайгаа инээсэн цаг бүрт

Чамайгаа бодсон мөч бүрт

Чамайгаа харсан хором бүрт

Алтан нар илч гэрлээ цацах мэт сэтгэл минь гэрлээр гийдэг Хайрт минь...

Ухаан шаардсан энэ амьдралд

Унаж босоход минь

Зөв бурууг сорьсон энэ насанд

Зөөлөн хатуу ойчиход минь

Зөвт байдлыг ухааруулан тунхаглаж

Зүрхэнд тустай шударга үнэнийг өгүүлж

Гэм нүглийг илчлүүлж

Гэрэл гэгээг цацруулдаг

Нүүр нүүрээрээ тулан зогсож

Нүд нүдээ харан ярилцдаг

Чамдаа би баярлалаа...

Адармаатай энэ ертөнцийн амьдралаас

Айж би шантрахгүй ээ...

Нандин зүйлээ би олсоон

Насан туршдаа нандигнан хайрлана

Эрж байсан эрдэнээ би олсоон

Энэ насандаа энхрийлж явна

Үнэт чулуугаа би олсоон

Үнэнчээр хайрлаж амьдарна би...

Би чамд хайртай